Fleire lærlingar i kommunane?
Antall læreplassar, - og behovet for utdanna helsearbeidarar og barne – og ungdomsarbeidarar – speglar dette verkelegheita? Dette var eit av spørsmåla på eit møte mellom fylkeskommune, kommunar, opplæringskontor og Sunndal vgs tysdag 29. mars 2011
Utdanningsavdelinga i Møre og Romsdal fylkeskommune inviterte Sunndal, Nesset og Tingvoll kommune til eit møte på Sunndal vidaregåande skole saman med Opplæringskontoret for Sunndal, Nesset, Tingvoll og Gjemnes og Sunndal vgs for å drøfte lærlingordninga i helse- og sosialfaga og for å sjå om det kan etablerast fleire læreplassar innan fagområda helsefagarbeidar og barne- og ungdomsarbeidar i kommunane.
Inger Anita Sjømæling og Astri Asåvik frå Utdanningsavdelinga er uroa over manglande samsvar mellom fylkeskommunen sitt ønske om å auke talet på elevar som søkjer seg ut i lære etter Vg2, og talet på faktisk disponerbare læreplassar i faga.
Stikkord frå møtet:
- Nettverksbygging.
- Behovet for fagutdanna personale i den enkelte kommune i dag og framover?
- Antall læreplassar, - og behovet for utdanna helsearbeidarar og barne – og ungdomsarbeidarar – speglar dette verkelegheita?
- Rekruttering av lærlingar? Gjer kommunane eit godt nok arbeid?
- Gjer skolane et godt nok arbeid for å hjelpe elevane ut i lærekontrakt?
