/ Forsiden / Siste nytt / Beste resultat på 17 år!
Beste resultat på 17 år!
Dette er ein auke på neste 4%-poeng sida forrige toppår (2005/06) og 7%-poeng over gjennomsnittet for dei siste 10 åra.
95% av elevane fekk beste karakter i orden og oppførsel. Dette er det beste resultatet på 10 år, og 5%-poeng betre enn gjennomsnittet for dei siste 10 åra.
Berre 2,7% av elevane slutta før skoleåret var ferdig. Dette er det beste resultatet på 17 år (vi har ikkje statistikk lenger tilbake). Gjennomsnittet for dei 10 siste åra er 4,9%.
Elevane sitt frammøte på skolen er på 94,4%, om lag som gjennomsnittet for dei siste 10 åra.
Karakterane er om lag uendra.
Vi har reflektert noko over kva som kan ha medvirka til det gode resultatet.
Moment i refleksjonane våre så langt har vore:
1) "Elevmateriellet"
"Elevmateriellet" vårt kan variere litt frå år til år. Dette kan gi tilfeldige utslag på indikatorane.
2) Elevane sine opplevingar gjennom skoleåret
Vi trur elevane i større grad opplever ein tryggare skolekvardag no enn tidlegare. Dei får tettare oppfølging av kontaktlærar, rådgivar og avdelingsleiar, og det sosialpedagogiske arbeidet har fått noko meir fokus dei seinare åra.
Det er lagt stor vekt på samansetting av basisgruppene og på kven som skal vere kontaktlærar for dei ulike basisgruppene.
Opplegget for elevar med spesielle behov har vore tillagt stor vekt.
3) Endra vurderingspraksis
På skolen har vi fokusert på kva konsekvensar vurderingspraksisen vår kan ha for ungdommar vidare i livet. Det har også vore arbeidd noko med vurdering av elevar med særskilte behov. Det er mogleg at lærarar kan ha opplevd delar av dette arbeidet som eit press for å gje vurdering med ståkarakter.
Undervegsvurderinga er også blitt noko sterkare vektlagt.
Talet på eksamenar på yrkesfag er sterkt redusert. Dette kan gi som utslag at færre elevar stryk. Erfaringsmessig er strykprosenten høgare til eksamen enn ved standpunkt.
Endringar i læreplanverket kan gi lågare strykprosent.
