/ Forsiden / Siste nytt / Tilfredsstillande skoleår for Sunndal vgs
Tilfredsstillande skoleår for Sunndal vgs
Skoleåret 2010/11 er eit middels, men tilfredsstillande år for Sunndal vgs.
Kort om sentrale resultatindikatorar
Resultat dei 10 siste åra i blått. Raud trendlinje
84% av elevane som starta på Sunndal vidaregåande skole hausten 2010, fullførte skoleåret med ståkarakterar i alle fag. Dette er 2%-poeng lågare enn sist skoleår, men 1%-poeng høgare enn gjennomsnittet for dei siste 10 åra.
95% av elevane fekk beste karakter i orden og oppførsel. Dette er 4%-poeng lågare enn sist skoleår, men 1% betre enn gjennomsnittet for dei siste 10 åra.
3% av elevane slutta før skoleåret var ferdig. Dette er 2%-poeng færre enn sist skoleår og 2%-poeng betre enn gjennomsnittet for dei 10 siste åra.
Elevane sitt frammøte på skolen var på 93%, 1%-poeng lågare enn gjennomsnittet for dei siste 10 åra og 2%-poeng lågare enn for forrige skoleår.
Nesten 10% av elevane fekk strykkarakter i minst eitt fag. 3%-poeng fleire enn skoleåret 2009/10 og 2%-poeng fleire enn gjennomsnittet for dei siste 10 åra.
90% av elevplassane ved skolen var i bruk ved slutten av skoleåret, 3%-poeng lågare enn sist skoleår , og 1%-poeng høgare enn gjennomsnittet. Kapasiteten på elevplassar ved skolestart var 325, det høgaste dei siste 10 åra. Skolen har hatt ekstra elevkapasitet dei to siste skoleåra grunna finanskrisa sin verknad i Sunndal.
Nokre nøkkeltal for karakterar:
10% av alle elevane har fått karakteren 1 i minst eitt fag.
29% av avgangselevane på studiespesialisering har karakteren 6 i minst ein av eksamenane som står på dokumentasjonen skolen har skrive ut. Beste resultat hos ein enkelt avgangselev er 18 seksarar av 24 moglege.
Gjennomsnittskarakteren til eksamen i norsk hovudmål for studiespesialisering ligg også i år noko over landsgjennomsnittet. (Gjennomsnitt Sunndal vgs 3,6. Landsgjennomsnitt 3,0)
Det er stort samsvar mellom eksamenskarakterar og standpunktkarakterar i same fag.
Konklusjon
Skoleåret 2010/11 er eit middels men tilfredsstillande år for Sunndal vgs. Skoleåret er det 5. beste dei 10 siste åra, og vi har hatt det høgaste elevtalet på 10 år.
Vi er likevel ikkje heilt nøgde. Fleire elevar bør ha ståkarakter i alle fag. Skoleleiing og tilsette vil saman vurdere og iverksette tiltak for å betre resultata for komande skoleår.
Du finn meir detaljerte opplysingar om resultata her:
